Benvido a Web de Xestur Ourense.

Na nosa Web poderá atopar unha ampla información sobre tódalas actuacións tanto acabadas, coma en execución ou de futuro desenvolvemento de Xestur Ourense.

Xestur Ourense S.A. leva a cabo unha tarefa tan complexa como é a xestión de solo, atendendo a todos e cada un dos procedementos que  isto supón - a localización das zonas de desenvolvemento, a urbanización e venda destas unha vez finalizadas, os traballos técnicos de planeamento, expedientes de expropiación, de taxación conxunta, de ocupación directa, etc.

Ademais a partires do ano 2006, por encargo da Consellería de Vivenda e Solo, Xestur desenvolve o Programa de Vivenda en Aluguer, regulado polo Decreto 48/2006, do 23 de febreiro. Dende xaneiro de 2008, en colaboración co Ministerio de Vivenda e a Consellería de Vivenda e Solo, o Programa de Renda Básica de Emancipación para Xoves na Provincia de Ourense.

Xestur desenvolve dende abril de 2008 os Traballos Técnicos dos Programas de Axudas á Rehabilitación e o Programa de Información ao Público en Materia de Axudas e Outras Cuestións Relativas á Rehabilitación de Edificacións que lles corresponden á Dirección Xeral de Fomento e Calidade da Vivenda da Consellería de Vivenda e Solo.

Todos estes traballos serían imposibles sen o apoio decidido da Consellería de Vivenda e Solo, da Consellería de Economía e Facenda e da Deputación Provincial de Ourense, que compoñen o capital social, e sen esquecer o esforzo e a profesionalidade do equipo humano que compón Xestur Ourense S.A.